Al-Muddaththir

بِسْمِ ٱللَّهِ ٱلرَّحْمَٰنِ ٱلرَّحِيمِ يَٰٓأَيُّهَا ٱلْمُدَّثِّرُ ۞ 1

އޭ ފޭރާންތައް (ގައިކޮޅުގައި) އޮޅުއްވައިގެން އޮންނެވި ކަލޭގެފާނެވެ!

قُمْ فَأَنذِرْ ۞ 2

ކަލޭގެފާނު ތެދުވެވަޑައިގެން އިންޛާރު ކުރައްވާށެވެ!

وَرَبَّكَ فَكَبِّرْ ۞ 3

އަދި ކަލޭގެފާނުގެ ވެރިރަސްކަލާނގެއަށް ތަކްބީރު ވިދާޅުވާށެވެ!

وَثِيَابَكَ فَطَهِّرْ ۞ 4

އަދި ކަލޭގެފާނުގެ ފޭރާންކޮޅުތައް ޠާހިރު ކުރައްވާށެވެ!

وَٱلرُّجْزَ فَٱهْجُرْ ۞ 5

އަދި ބުދަށް އަޅުކަންކުރުމާ ދުރުވެވަޑައިގަންނަވާށެވެ!

وَلَا تَمْنُن تَسْتَكْثِرُ ۞ 6

އަދި ގިނައިން ލިބުން އެދިވަޑައިގެން (މީހަކަށް) އެއްޗެއް ނުދެއްވާށެވެ!

وَلِرَبِّكَ فَٱصْبِرْ ۞ 7

އަދި ކަލޭގެފާނުގެ ވެރިރަސްކަލާނގެއަށްޓަކައި ކަލޭގެފާނު ކެތްތެރިވެ ވަޑައިގަންނަވާށެވެ!

فَإِذَا نُقِرَ فِى ٱلنَّاقُورِ ۞ 8

ފަހެ، ތާޅަފިލި ފުމެލައްވާ ހިނދެވެ.

فَذَٰلِكَ يَوْمَئِذٍ يَوْمٌ عَسِيرٌ ۞ 9

ފަހެ، އެދުވަސް އެއީ އުނދަގޫވެގެންވާ ދުވަހެކެވެ.

عَلَى ٱلْكَٰفِرِينَ غَيْرُ يَسِيرٍ ۞ 10

ކާފިރުންގެ މައްޗަށް ފަސޭހަކަމެއް ނުވާ ދުވަހެކެވެ.

ذَرْنِى وَمَنْ خَلَقْتُ وَحِيدًا ۞ 11

ހަމައެކަނި ތިމަންރަސްކަލާނގެ ހެއްދެވި މީހާ، ކަލޭގެފާނު ތިމަންރަސްކަލާނގެއަށް ދޫކޮށްލައްވާށެވެ!

وَجَعَلْتُ لَهُۥ مَالًا مَّمْدُودًا ۞ 12

އަދި ގިނަވެގެންވާ މުދަލާއި ކައިރީގައި ތިބޭނެ ފިރިހެންދަރިން، ތިމަންރަސްކަލާނގެ އޭނާޔަށް ދެއްވީމެވެ.

وَبَنِينَ شُهُودًا ۞ 13

އަދި ގިނަވެގެންވާ މުދަލާއި ކައިރީގައި ތިބޭނެ ފިރިހެންދަރިން، ތިމަންރަސްކަލާނގެ އޭނާޔަށް ދެއްވީމެވެ.

وَمَهَّدتُّ لَهُۥ تَمْهِيدًا ۞ 14

އަދި (ދުނިޔޭގެ ހުރިހާ ކަމެއް) ތަނަވަސްކޮށްދެއްވައި، އޭނާޔަށް ފަސޭހަކޮށްދެއްވީމެވެ.

ثُمَّ يَطْمَعُ أَنْ أَزِيدَ ۞ 15

ދެންވެސް އޭނާ އެދެނީ، ތިމަންރަސްކަލާނގެ އިތުރުކޮށްދެއްވުމަށެވެ.

كَلَّآ إِنَّهُۥ كَانَ لِـَٔايَٰتِنَا عَنِيدًا ۞ 16

ހަމަހިލާ އެހެންނަކުން ނުވާނެއެވެ. ހަމަކަށަވަރުން، އޭނާވީ، ތިމަންރަސްކަލާނގެ އާޔަތްތަކަށް ދެކޮޅުހަދާ މީހެއް ކަމުގައެވެ.

سَأُرْهِقُهُۥ صَعُودًا ۞ 17

ނިކަންހުރެ ތިމަންރަސްކަލާނގެ، ގަދަފަދަވެގެންވާ ޢަޛާބަކަށް ކުރިމަތިލުމަށް އޭނާއަށް ޖައްސަވާހުށީމެވެ.

إِنَّهُۥ فَكَّرَ وَقَدَّرَ ۞ 18

ހަމަކަށަވަރުން، އޭނާ ވިސްނައި ފިކުރު ކޮށް ރޭވިއެވެ.

فَقُتِلَ كَيْفَ قَدَّرَ ۞ 19

ފަހެ، އޭނާޔަށް ލަޢުނަތް ލެއްވިއެވެ. އޭނާ ރޭވީ ކޮންފަދައަކުން ހެއްޔެވެ؟

ثُمَّ قُتِلَ كَيْفَ قَدَّرَ ۞ 20

ދެން އޭނާޔަށް ލަޢުނަތް ލެއްވިއެވެ. އޭނާ ރޭވީ ކޮންފަދައަކުން ހެއްޔެވެ؟

ثُمَّ نَظَرَ ۞ 21

ދެން އޭނާ ބަލައި ވިސްނިއެވެ.

ثُمَّ عَبَسَ وَبَسَرَ ۞ 22

ދެން އޭނާ މޫނު ކުނިކޮށްލިއެވެ. އަދި މޫނު ހެދިއެވެ.

ثُمَّ أَدْبَرَ وَٱسْتَكْبَرَ ۞ 23

ދެން އޭނާ ފުރަގަސްދިނެވެ. އަދި ބޮޑާވެގަތެވެ.

فَقَالَ إِنْ هَٰذَآ إِلَّا سِحْرٌ يُؤْثَرُ ۞ 24

ފަހެ، އޭނާ ބުންޏެވެ. ޖާދޫގަރުންގެ ކިބައިން އައިސްފައިވާ ޖާދޫއެއް ކަމުގައި މެނުވީ މި ޤުރްއާން ނުވެއެވެ.

إِنْ هَٰذَآ إِلَّا قَوْلُ ٱلْبَشَرِ ۞ 25

އާދަމުގެދަރިންގެ ބަސްކަމުގައި މެނުވީ މި ޤުރްއާން ނުވެއެވެ.

سَأُصْلِيهِ سَقَرَ ۞ 26

ނިކަންހުރެ ތިމަންރަސްކަލާނގެ އޭނާ ނަރަކަޔަށް ވައްދަވާހުށީމެވެ.

وَمَآ أَدْرَىٰكَ مَا سَقَرُ ۞ 27

އެ ނަރަކަޔަކީ ކޮންއެއްޗެއްކަން ކަލޭގެފާނަށް އަންގައިދިނީ ކޮންއެއްޗެއްތޯއެވެ؟

لَا تُبْقِى وَلَا تَذَرُ ۞ 28

އެ ނަރަކަ (ނާންދާ) އެއްވެސް އެއްޗެއް ނުބަހައްޓަތެވެ. އަދި ދޫކޮށެއްވެސް ނުލަތެވެ.

لَوَّاحَةٌ لِّلْبَشَرِ ۞ 29

ގައިގެ ހަން އަންދައި ކަޅުކޮށްލަތެވެ.

عَلَيْهَا تِسْعَةَ عَشَرَ ۞ 30

(ބެލެހެއްޓެވުމަށް) އެ ނަރަކައިގެ މައްޗަށް އޮނަވިހި މަލާއިކަތުންވެއެވެ.

وَمَا جَعَلْنَآ أَصْحَٰبَ ٱلنَّارِ إِلَّا مَلَٰٓئِكَةً وَمَا جَعَلْنَا عِدَّتَهُمْ إِلَّا فِتْنَةً لِّلَّذِينَ كَفَرُوا۟ لِيَسْتَيْقِنَ ٱلَّذِينَ أُوتُوا۟ ٱلْكِتَٰبَ وَيَزْدَادَ ٱلَّذِينَ ءَامَنُوٓا۟ إِيمَٰنًا وَلَا يَرْتَابَ ٱلَّذِينَ أُوتُوا۟ ٱلْكِتَٰبَ وَٱلْمُؤْمِنُونَ وَلِيَقُولَ ٱلَّذِينَ فِى قُلُوبِهِم مَّرَضٌ وَٱلْكَٰفِرُونَ مَاذَآ أَرَادَ ٱللَّهُ بِهَٰذَا مَثَلًا كَذَٰلِكَ يُضِلُّ ٱللَّهُ مَن يَشَآءُ وَيَهْدِى مَن يَشَآءُ وَمَا يَعْلَمُ جُنُودَ رَبِّكَ إِلَّا هُوَ وَمَا هِىَ إِلَّا ذِكْرَىٰ لِلْبَشَرِ ۞ 31

އަދި ނަރަކައިގެ ބަނޑޭރިން ކަމުގައި، ތިމަންރަސްކަލާނގެ މަލާއިކަތުން މެނުވީ ނުލައްވަމެވެ. އަދި ކާފިރުވި މީހުންނަށް އިމްތިޙާނެއްކަމުގައި މެނުވީ އެ މަލާއިކަތުންގެ ޢަދަދު ނުލައްވަމެވެ. (އެއީ) ފޮތް ލިބުނު މީހުންނަށް ޔަޤީން ވުމަށާއި، އަދި އީމާންވި މީހުންގެ އީމާންކަން އިތުރުވުމަށާއި، އަދި ފޮތް ލިބުނު މީހުންނާއި އީމާންވި މީހުން ޝައްކު ނުކުރުމަށްޓަކައެވެ. އަދި އެއުރެންގެ ހިތްތަކުގައި ބަލިމަޑުކަމެއްވާ މީހުންނާއި، ކާފިރުން ބުނުމަށްޓަކައެވެ. މި މިޘާލުން ﷲ އިރާދަކުރެއްވީ ކޮންއެއްޗެއް ބާވައެވެ؟ އެފަދައިން ﷲ އިރާދަކުރައްވާ މީހަކު މަގުފުރައްދަވަތެވެ. އަދި އެކަލާނގެ އިރާދަކުރައްވާ މީހަކަށް ތެދުމަގު ދައްކަވަތެވެ. އަދި ކަލޭގެފާނުގެ ވެރިރަސްކަލާނގެ ލަޝްކަރުގެ ޢަދަދު، އެކަލާނގެ މެނުވީ ދެނެވޮޑިގެން ނުވެތެވެ. އަދި އާދަމުގެދަރިންނަށް ޢިބްރަތްތެރި ހަނދާންކޮށްދިނުމެއް ކަމުގައި މެނުވީ، އެ ނަރަކަ ނުވެތެވެ.

كَلَّا وَٱلْقَمَرِ ۞ 32

ހަމަހިލާ އެހެންނަކުން ނުވާނެއެވެ. ހަނދު ގަންދެއްވަމެވެ.

وَٱلَّيْلِ إِذْ أَدْبَرَ ۞ 33

އަދި ރޭގަނޑު ފަސްދީދާހިނދު، އެ ރޭގަނޑު ގަންދެއްވަމެވެ.

وَٱلصُّبْحِ إِذَآ أَسْفَرَ ۞ 34

އަދި އަލިވެގެންދާހިނދު، ފަތިސް ގަންދެއްވަމެވެ.

إِنَّهَا لَإِحْدَى ٱلْكُبَرِ ۞ 35

ހަމަކަށަވަރުން، އެ ނަރަކައީ، ބޮޑެތި ބަލާތަކުގެ ތެރެއިން ބަލާއެއްކަން ކަށަވަރެވެ.

نَذِيرًا لِّلْبَشَرِ ۞ 36

އާދަމުގެދަރިންނަށް އިންޛާރު ކުރާ އެއްޗެއްގެ ގޮތުގައެވެ.

لِمَن شَآءَ مِنكُمْ أَن يَتَقَدَّمَ أَوْ يَتَأَخَّرَ ۞ 37

ތިޔަބައިމީހުންކުރެ ބޭނުން މީހަކަށް ކުރިއެރުންވެއެވެ. ނުވަތަ ފަސްޖެހުންވެއެވެ.

كُلُّ نَفْسٍۭ بِمَا كَسَبَتْ رَهِينَةٌ ۞ 38

ކޮންމެ ނަފްސެއް، އެ ނަފްސެއް ހޯދައިގަތްކަމަކުން ބަނދެވިގެންވެއެވެ.

إِلَّآ أَصْحَٰبَ ٱلْيَمِينِ ۞ 39

ކަނާތްފަރާތުގެ އަހުލުވެރިން މެނުވީއެވެ.

فِى جَنَّٰتٍ يَتَسَآءَلُونَ ۞ 40

(އެއުރެންވަނީ) ސުވަރުގެތަކެއްގައެވެ. ކުށްވެރިންނާ މެދުގައި އެކަކު އަނެކަކާ ސުއާލު ކުރާ ޙާލުގައެވެ.

عَنِ ٱلْمُجْرِمِينَ ۞ 41

(އެއުރެންވަނީ) ސުވަރުގެތަކެއްގައެވެ. ކުށްވެރިންނާ މެދުގައި އެކަކު އަނެކަކާ ސުއާލު ކުރާ ޙާލުގައެވެ.

مَا سَلَكَكُمْ فِى سَقَرَ ۞ 42

ތިޔަބައިމީހުން ނަރަކަޔަށް ވެއްދީ ކޮންކަމެއް ހެއްޔެވެ؟

قَالُوا۟ لَمْ نَكُ مِنَ ٱلْمُصَلِّينَ ۞ 43

އެއުރެން ބުނާނެތެވެ. ނަމާދުކުރާ މީހުންގެ ތެރެޔަކު ތިމަންމެން ނުވަމުއެވެ.

وَلَمْ نَكُ نُطْعِمُ ٱلْمِسْكِينَ ۞ 44

އަދި ތިމަންމެން މިސްކީނުންނަށް ކާންދީއެއް ނޫޅެމުއެވެ.

وَكُنَّا نَخُوضُ مَعَ ٱلْخَآئِضِينَ ۞ 45

އަދި ބާޠިލު ވާހަކަ ދައްކާ މީހުންނާ އެކުގައި، ތިމަންމެން ބާޠިލު ވާހަކަ ދައްކައި އުޅުނީމުއެވެ.

وَكُنَّا نُكَذِّبُ بِيَوْمِ ٱلدِّينِ ۞ 46

އަދި ތިމަންމެން ޤިޔާމަތް ދުވަސް ދޮގުކޮށް އުޅުނީމުއެވެ.

حَتَّىٰٓ أَتَىٰنَا ٱلْيَقِينُ ۞ 47

ޔަޤީން ކަން (އެބަހީ: މަރު) ތިމަންމެންނާ ހަމަޔަށް އަތުވެއްޖައުމަށް ދާނދެނެވެ.

فَمَا تَنفَعُهُمْ شَفَٰعَةُ ٱلشَّٰفِعِينَ ۞ 48

ފަހެ، ޝަފާޢަތްތެރިވާމީހުންގެ ޝަފާޢަތް، އެއުރެންނަކަށް މަންފާއެއް ނުކުރާނެތެވެ.

فَمَا لَهُمْ عَنِ ٱلتَّذْكِرَةِ مُعْرِضِينَ ۞ 49

ފަހެ، ހަނދާންކޮށްދިނުމުން (އެބަހީ: ޤުރްއާނުން) އެއުރެން އެއްކިބާވެ ދުރަށްދަނީ ކީއްވެގެން ހެއްޔެވެ؟

كَأَنَّهُمْ حُمُرٌ مُّسْتَنفِرَةٌ ۞ 50

އެއުރެން ސިންގާއަކަށް ފިލަންދުވާ ވަޙުޝީ ޙިމާރުތަކެއް ފަދައެވެ.

فَرَّتْ مِن قَسْوَرَةٍۭ ۞ 51

އެއުރެން ސިންގާއަކަށް ފިލަންދުވާ ވަޙުޝީ ޙިމާރުތަކެއް ފަދައެވެ.

بَلْ يُرِيدُ كُلُّ ٱمْرِئٍ مِّنْهُمْ أَن يُؤْتَىٰ صُحُفًا مُّنَشَّرَةً ۞ 52

އަދި ކިއެއްތަ! އެއުރެންކުރެ ކޮންމެ މީހަކު އެދެނީ، ލިޔުއްވާފައިވާ ފަތްފުށްތަކެއް އެމީހަކަށް ބާވައިލެއްވުމަށެވެ.

كَلَّا بَل لَّا يَخَافُونَ ٱلْـَٔاخِرَةَ ۞ 53

ހަމަހިލާ އެހެންނަކުން ނުވާނެއެވެ. އަދި ކިއެއްތަ! އެއުރެން އާޚިރަތަކަށް ބިރެއް ނުގަނެތެވެ.

كَلَّآ إِنَّهُۥ تَذْكِرَةٌ ۞ 54

ހަމަހިލާ އެހެންނަކުން ނުވާނެއެވެ. ހަމަކަށަވަރުން، އެ ޤުރްއާނަކީ ހަނދާންކޮށްދިނުމެކެވެ.

فَمَن شَآءَ ذَكَرَهُۥ ۞ 55

ފަހެ، ބޭނުން މީހަކު އެ ޤުރްއާން ހަނދުމަކުރާހުށިކަމެވެ!

وَمَا يَذْكُرُونَ إِلَّآ أَن يَشَآءَ ٱللَّهُ هُوَ أَهْلُ ٱلتَّقْوَىٰ وَأَهْلُ ٱلْمَغْفِرَةِ ۞ 56

އަދި ﷲ އިރާދަކުރެއްވިއްޔާ މެނުވީ، އެއުރެންނަކަށް ހަނދާނެއް ނުކުރެވޭނެތެވެ. އެކަލާނގެއީ (މީސްތަކުން އެކަލާނގެއަށް ބިރުވެތިވެ) ތަޤްވާވެރިވުން ޙައްޤު ވެގެންވާ، އަދި (ކިޔަމަންގަތް އަޅުންނަށް) ފާފަތައް ފުއްސެވުމުގެ ވެރިރަސްކަލާނގެއެވެ.