At-Takwir

بِسْمِ ٱللَّهِ ٱلرَّحْمَٰنِ ٱلرَّحِيمِ إِذَا ٱلشَّمْسُ كُوِّرَتْ ۞ 1

އިރުގެ އަލިކަން ފިލައި، ހިނގައިދާ ހިނދެވެ.

وَإِذَا ٱلنُّجُومُ ٱنكَدَرَتْ ۞ 2

އަދި ތަރިތަކުން އަލިކަން ފިލައި، ބުރަބުރައިގެންދާ ހިނދެވެ.

وَإِذَا ٱلْجِبَالُ سُيِّرَتْ ۞ 3

އަދި ފަރުބަދަތައް ލުހި، ފުނޑުފުނޑުވާ ހިނދެވެ.

وَإِذَا ٱلْعِشَارُ عُطِّلَتْ ۞ 4

އަދި މާބަނޑު ޖަމަލުތައް އަޅާނުލައި ދޫކޮށްލާ ހިނދެވެ.

وَإِذَا ٱلْوُحُوشُ حُشِرَتْ ۞ 5

އަދި ވަލު ޖަނަވާރުތައް (އެއްތަނަކަށް) އެއްކުރައްވާ ހިނދެވެ.

وَإِذَا ٱلْبِحَارُ سُجِّرَتْ ۞ 6

އަދި ކަނޑުތައް ރޯވެ، އަނދައިގަންނަ ހިނދެވެ.

وَإِذَا ٱلنُّفُوسُ زُوِّجَتْ ۞ 7

އަދި ފުރާނަތައް، އޭގެ ހަށިތަކާ ގުޅިދާހިނދެވެ.

وَإِذَا ٱلْمَوْءُۥدَةُ سُئِلَتْ ۞ 8

އަދި ދިރިއޮއްވައި ވަޅުލި އަންހެން ދަރިޔާއާ ސުއާލު ކުރައްވާ ހިނދެވެ.

بِأَىِّ ذَنۢبٍ قُتِلَتْ ۞ 9

އޭނާ މަރައިލީ ކޮން ކުށެއްގެ ސަބަބުން ހެއްޔެވެ؟

وَإِذَا ٱلصُّحُفُ نُشِرَتْ ۞ 10

އަދި ފަތްފުށްތައް ނިއުޅައިލައްވާ ހިނދެވެ.

وَإِذَا ٱلسَّمَآءُ كُشِطَتْ ۞ 11

އަދި އުޑު ގެންދަވާ ހިނދެވެ.

وَإِذَا ٱلْجَحِيمُ سُعِّرَتْ ۞ 12

އަދި ނަރަކަ ރޯކޮށްލައްވާ ހިނދެވެ.

وَإِذَا ٱلْجَنَّةُ أُزْلِفَتْ ۞ 13

އަދި ސުވަރުގެ ގާތްކުރައްވާ ހިނދެވެ.

عَلِمَتْ نَفْسٌ مَّآ أَحْضَرَتْ ۞ 14

ކޮންމެ ނަފްސަކަށްމެ، އެ ނަފްސެއް ޙާޟިރުކުޅަކަމެއް (އެހިނދު) އެނގޭނެތެވެ.

فَلَآ أُقْسِمُ بِٱلْخُنَّسِ ۞ 15

ފަހެ، ރޭގަނޑަށް ފާޅުކަންބޮޑު، ދުވާލު ވަންހަނާވާ، ހިނގަހިނގާ ހުންނަ ތަރިތައް ގަންދެއްވަމެވެ.

ٱلْجَوَارِ ٱلْكُنَّسِ ۞ 16

ފަހެ، ރޭގަނޑަށް ފާޅުކަންބޮޑު، ދުވާލު ވަންހަނާވާ، ހިނގަހިނގާ ހުންނަ ތަރިތައް ގަންދެއްވަމެވެ.

وَٱلَّيْلِ إِذَا عَسْعَسَ ۞ 17

އަދި ރޭގަނޑު އަނދިރިކަމާއިގެން ފަސްދީދާހިނދު، އެ ރޭގަނޑު ގަންދެއްވަމެވެ.

وَٱلصُّبْحِ إِذَا تَنَفَّسَ ۞ 18

އަދި ފަތިހުގެ އަލިކަން ފާޅުވާހިނދު، އެ ފަތިސް ގަންދެއްވަމެވެ.

إِنَّهُۥ لَقَوْلُ رَسُولٍ كَرِيمٍ ۞ 19

ހަމަކަށަވަރުން، އެއީ މާތްވެގެންވާ ރަސޫލަކު (އެބަހީ: ޖިބްރީލުގެފާނު) ގެންނެވި ބަސްފުޅުކަން ކަށަވަރެވެ.

ذِى قُوَّةٍ عِندَ ذِى ٱلْعَرْشِ مَكِينٍ ۞ 20

ޢަރްޝުގެ ވެރިރަސްކަލާނގެ ޙަޟްރަތުގައި ބާރެއްގެ ވެރި ދަރަޖަވެރިޔެކެވެ.

مُّطَاعٍ ثَمَّ أَمِينٍ ۞ 21

އެތާނގައި (އެބަހީ: އުޑުތަކުގައި) ކިޔަމަންވެވޭ އަމާނާތްތެރިޔެކެވެ.

وَمَا صَاحِبُكُم بِمَجْنُونٍ ۞ 22

އަދި ތިޔަބައިމީހުންގެ އެކުވެރިޔާއީ (އެބަހީ: މުޙައްމަދުގެފާނީ) މޮޔައަކު ކަމުގައި ނުވެއެވެ.

وَلَقَدْ رَءَاهُ بِٱلْأُفُقِ ٱلْمُبِينِ ۞ 23

އަދި ހަމަކަށަވަރުން، އެކަލޭގެފާނު (އެބަހީ: މުޙައްމަދުގެފާނު) ފާޅުވެގެންވާ އުދަރެހުން އެކަލޭގެފާނު (އެބަހީ: ޖިބްރީލުގެފާނު) ދެކެވަޑައިގަތެވެ.

وَمَا هُوَ عَلَى ٱلْغَيْبِ بِضَنِينٍ ۞ 24

އަދި ޣައިބުގެ ކަންތައް ފޮރުވައި، ހިފަހައްޓަވާ ބޭކަލަކު ކަމުގައި އެކަލޭގެފާނު (އެބަހީ: މުޙައްމަދުގެފާނު) ނުވެއެވެ.

وَمَا هُوَ بِقَوْلِ شَيْطَٰنٍ رَّجِيمٍ ۞ 25

އަދި ރަޙްމަތުން ބޭރުކުރައްވާފައިވާ ޝައިޠާނެއްގެ ބަސްކަމުގައިވެސް އެ ޤުރްއާން ނުވެއެވެ.

فَأَيْنَ تَذْهَبُونَ ۞ 26

ފަހެ، ތިޔަބައިމީހުން ތިޔަދަނީ ކޮންތާކަށް ހެއްޔެވެ؟

إِنْ هُوَ إِلَّا ذِكْرٌ لِّلْعَٰلَمِينَ ۞ 27

ޢާލަމްތަކަށް ހަނދާންކޮށްދިނުމެއް ކަމުގައި މެނުވީ އެ ޤުރްއާން ނުވެއެވެ.

لِمَن شَآءَ مِنكُمْ أَن يَسْتَقِيمَ ۞ 28

ތިޔަބައިމީހުންކުރެ ސީދާވެގަތުމަށް އެދޭ މީހަކަށްޓަކައެވެ.

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلْعَٰلَمِينَ ۞ 29

ޢާލަމްތަކުގެ ވެރި ﷲ އިރާދަކުރެއްވުމުން މެނުވީ، ތިޔަބައިމީހުންނަކަށް (އެއްވެސް ކަމެއް) ނޭދެވޭނެތެވެ.