އިންޑިއާގެ މަޝްހޫރު މިލިއަނަރު އަނަންތު އަމްބާނީ ރާއްޖޭގެ އުތުރުގައި އޮންނަ ށ. މަކުނުދޫއަށް ޒިޔާރަތްކޮށްފިއެވެ. އޭނާ މަކުނުދޫއަށް ދިޔައީ ޖެޓްސްކީއެއްގައި ކަމަށް މަޢުލޫމާތު ލިބިފައިވެއެވެ.

މިދިޔަ ހަފްތާގައި މަކުނުދޫއަށް ކުރި މި ދަތުރުގައި އަނަންތު އަމްބާނީ އެރަށުގެ ރައްޔިތުންނާ ބައްދަލުކޮށް، ރަށުގެ އެކި ސަރަޙައްދުތަކަށް ޒިޔާރަތްކުރިއެވެ. އޭނާ ރަށުން ފުރާ ވަގުތު، ރަށުގެ ރައްޔިތުން އުފައްދާ ބައެއް ތަކެތަކެތި ގަތްކަން ފާހަގަކުރެވެއެވެ. މީގެ ތެރޭގައި ކުކުޅެއް އަދި މުސަޅު ހިމެނެއެވެ.

މަކުނުދޫގެ ރައްޔިތެއް ބުނިގޮތުގައި، އަނަންތު އަމްބާނީ ރަށުގެ އުފެއްދުންތަކަށް ވަރަށް ޝައުޤުވެރިކަން ފާޅުކުރިއެވެ. "އޭނަ ވަރަށް އުފަލުން ކުކުޅާއި މުސަޅު ގަތް. އަދި ރަށުގެ އެހެން އުފެއްދުންތަކާ ބެހޭގޮތުންވެސް ސުވާލުކުރި،" އެ ރައްޔިތު ބުންޏެވެ.

އަނަންތު އަމްބާނީގެ މި ޒިޔާރަތަކީ ރަށުގެ ފަތުރުވެރިކަމަށް ހެޔޮ އަސަރެއް ކުރާނެ ކަމެއް ކަމަށް މަކުނުދޫ ކައުންސިލުން ބުނެފައިވެއެވެ. "މިފަދަ މަޝްހޫރު މީހަކު އަޅުގަނޑުމެންގެ ރަށަށް ޒިޔާރަތްކުރުމަކީ ވަރަށް އުފާވެރި ކަމެއް. މިއީ ހަމަގައިމުވެސް ރަށުގެ ފަތުރުވެރިކަމަށް ކުރިއެރުމެއް ލިބިގެންދާނެ ކަމެއް،" ކައުންސިލުގެ ރައީސް ވިދާޅުވިއެވެ.

އަނަންތު އަމްބާނީ ރާއްޖެއަށް ޒިޔާރަތްކުރީ އޭނާގެ އާއިލާއާއެކު ޗުއްޓީއެއް ހޭދަކުރުމަށެވެ. މި ދަތުރުގައި އޭނާ ރާއްޖޭގެ އެކި ރަށްރަށަށް ޒިޔާރަތްކޮށްފައިވާކަން ފާހަގަކުރެވެއެވެ.