ހުނުމުން ނުވަތަ ވާހަކަދައްކާއިރު ކޯތާފަތަށް އަޑިވާ އަޑިވުމަކީ (Dimple) ގިނަ މީހުންނަށް ވަރަށް ރީތި، ސާމާނު ސިފައެކެވެ. ނަމަވެސް، ސައިންސާއި ބަޔޮލޮޖީގެ ނަޒަރުން ބަލާއިރު މިއީ އިންސާނާގެ މޫނުގެ މަސްގަނޑަށް އަންނަ އުފެދުމުގެ ތަފާތުކަމަކުން ދިމާވާ ކަމެކެވެ.

ސައިންސްގެ ނަޒަރުން ކޯތާފަތް އަޑިވަނީ ކީއްވެ؟

ކޯތާފަތުގައި އަޑިވުން އުފެދެނީ މޫނުގެ މަސްގަނޑެއް ކަމަށްވާ 'ޒައިގޮމެޓިކަސް މޭޖަރ' (Zygomaticus major) އަށް އަންނަ ބަދަލަކުންނެވެ.

• އާދައިގެ ގޮތް: އާންމުކޮށް ގިނަ މީހުންގެ މޫނުގައި މިއީ ކޯތާފަތުން ފެށިގެން އަނގައާ ހަމައަށް ގުޅިފައި އޮންނަ އެންމެ މަސްގަނޑެކެވެ.

• އަޑިވާ މީހުންގެ ގޮތް: އަޑިވާ މީހުންގެ މޫނުގައި މި މަސްގަނޑު އުފެދިފައި އިންނަނީ ދެބަޔަށް ކެނޑިފައެވެ. މީގެ ސަބަބުން، އެމީހަކު ހީލުމުން ނުވަތަ މޫނުގެ ހަރަކާތެއް ކުރުމުން، މަތީގައިވާ ހަމުގެ ބައި އެ ދެ މަސްގަނޑުގެ ދޭތެރެއަށް ދަމައިގަނެ، އެތަން އަޑިވެގެން ދަނީއެވެ.

ވާރުތަކުރުމާއި ޖެނެޓިކްސް

އަޑިވުމަކީ ޖީންސްގެ މައްޗަށް ބިނާވެގެން ވާރުތަކުރާ ކަމެއްގެ ގޮތުގައި ބެލެވެއެވެ. މައިންބަފައިންގެ ކުރެ އެކަކުގެ ކޯތާފަތް އަޑިވާނަމަ، ދަރިންނަށްވެސް މި ސިފަ ލިބުމުގެ ފުރުސަތު ބޮޑެވެ. ދުވެސް، އެއީ 'އޮޓޯސޯމަލް ޑޮމިނަންޓް' (Autosomal dominant) ސިފައެއް ކަމަށް ބެލެވުނަސް، ބައެއް ފަހަރު މައިންބަފައިންގެ ކިބައިގައި ނެތިވެސް ކުދިންގެ ކޯތާފަތުގައި އަޑިވުން އުފެދިދާނެއެވެ.

އިސްލާމްދީނުގައި މީގެ ހުކުމަކީ ކޮބައި؟

އިސްލާމްދީނުގެ ނަޒަރުން ބަލާއިރު، އުފަންވާއިރު  ކޯތާފަތުގައި އަޑިވުން ހުރުމަކީ الله سبحانه وتعالى އިންސާނާ އުފައްދަވާފައިވާ އިލާހީ ކުޅަދުންވަންތަކަމުގެ ތެރޭގައިވާ ކަމެކެވެ.

• ތަބީއީ އަޑިވުން: އުފެދުމުގައި ހުންނަ އަޑިވުމަކީ އިންސާނާގެ އެއްވެސް އިޚުތިޔާރެއް ނެތި ހުންނަ ކަމަކަށްވާތީ، މިއީ އިސްލާމްދީނުގައި އެއްވެސް މައްސަލައެއް ނޫނެވެ. މިއީ الله ގެ ހަލްގުކުރެއްވުމުގެ ތެރޭގައިވާ ކަމެކެވެ.

• ސަޖަރީ ހަދައިގެން އަޑިކުރުން (Dimpleplasty): ސައިންސާއި މެޑިކަލްގެ ކުރިއެރުމާއެކު، އޮޕަރޭޝަން ކޮށްގެން ކޯތާފަތް އަޑިކުރުމަކީ މިހާރު ކުރާ ކަމެކެވެ. ނަމަވެސް، އިސްލާމީ ފިގުހުވެރިންގެ ރައުޔަށް ބަލާއިރު، އެއްވެސް ބައްޔެއް ނުވަތަ އުނިކަމެއް ރަނގަޅުކުރުމުގެ ނިޔަތެއް ނެތި، ހަމައެކަނި ރީތިކަމަށްޓަކައި ﷲ އުފައްދަވާފައިވާ ސިފައަށް ބަދަލުުގެނައުމުގެ ގޮތުން ކުރާ އިޚުތިޔާރީ ކޮސްމެޓިކް ސަޖަރީތަކަކީ ހަރާމް ކުރައްވާފައިވާ ކަންކަމެވެ.

ޚުލާޞާ

ކޯތާފަތުގައި އަޑިވުން އުފެދެނީ މޫނުގެ މަސްގަނޑު އުފެދުމުގައި ހުންނަ ކުޑަކުޑަ ތަފާތެއްގެ ސަބަބުންނެވެ. މިއީ ސިއްހީ ގޮތުން އެއްވެސް ނުރައްކަލެއް ނެތް، އަދި ގދ. އިލާހީ ސިފަތަކުގެ ތެރޭގައި ހިމެނޭ ރީތިކަމެކެވެ.