ދިގު އިންތިޒާރަކަށްފަހު ޕޭޕަލްގެ ޚިދުމަތް ދިވެހިންނަށް ކޮންމެވެސް މިންވަރަކަށް ލިބެން ފެށި ނަމަވެސް، ޕޭޕަލް ބިޒްނަސް އެކައުންޓް ހުޅުވުމުގައި ހުރި ހުރަސްތަކުގެ ސަބަބުން ބޭރުގެ ބޮޑެތި ޕްލެޓްފޯމްތަކުން އާމްދަނީ ހޯދުމުގައި އަދިވެސް ގޮންޖެހުންތަކެއް އެބަހުއްޓެވެ. ވަކިން ހާއްސަކޮށް، ރާއްޖޭގައި ތިބެގެން ޕޭޕަލް މެދުވެރިކޮށް ބޭރުގެ ފައިސާ ހޯދުމަކީ އަދިވެސް އެހާ ފަސޭހަ ކަމެއް ނޫނެވެ.

މި މައްސަލައަށް ހައްލެއް ހޯދައިދިނުމުގެ ގޮތުން، 'އަފިރިން.ނެޓް' އިން މިވަނީ ޕޭޕަލް ބޭނުންކޮށްގެން ކޮންމެ މެންބަރަކަށްވެސް އާމްދަނީ ހޯދޭނެ ފަހި މަގެއް ތައާރަފުކޮށްފައެވެ.

އަފިރިން ފަދަ ޕްލެޓްފޯމްތަކުގައި ޕޭޕަލް ގުޅުވާލައިގެން އާމްދަނީ ހޯދިދާނެ ބައެއް ގޮތްތަކަށް ތިރީގައި މިވަނީ ބަލާލާފައެވެ.

ލިޔުންތެރިންނަށް އާމްދަނީ ހޯދިދާނެ ގޮތް

މިސާލަކަށް، މި ލިޔުމުގެ އަރިމަތީގައިވާ 'ގިފްޓް' ބަޓަނަށް ކްލިކް ކޮށްލުމުން، މި ލިޔުން ލިޔުނު ފަރާތުގެ ބޭންކް އެކައުންޓް ނަންބަރާއި އަދި ޕޭޕަލް ލިންކު ފެންނަން ހުންނާނެއެވެ.

މީގެ ސަބަބުން، ލިޔުންތެރިޔާއަށް ހިތްވަރު ދިނުމުގެ ގޮތުން އެއްޗެއް ހަދިޔާކުރަން ބޭނުންވާ ކޮންމެ މީހަކަށްވެސް، އިތުރު އުނދަގުލަކާ ނުލައި ސީދާ އެ ފަރާތަކަށް ފައިސާ ފޮނުވާލުމުގެ ފުރުސަތު ލިބިގެންދެއެވެ.

އާމްދަނީ ހޯދުމުގެ މި ހަރުދަނާ ވަސީލަތުގެ ސަބަބުން، އުފެއްދުންތެރިންނާއި އެ ފަރާތްތަކުގެ މަސައްކަތް ބަލައިގަންނަ ފަރާތްތަކާ ދެމެދު އޮންނަ ގުޅުން އިތުރަށް ބަދަހިވެ، ފަންނުވެރިކަން ކުރިއެރުވުމަށް ބޮޑު ބާރަކަށް ވެގެންދެއެވެ.

މީގެ އެންމެ ބޮޑު ފައިދާއަކީ، ދިވެހި ބަހުން ލިޔާ ލިޔުންތަކަށް ދިވެހި ކިޔުންތެރިންގެ ފަރާތުން ދިވެހި ރުފިޔާއިން ހަދިޔާ ލިބޭއިރު، އިނގިރޭސި ބަހުން ލިޔާ ލިޔުންތައް ސާރޗް އިންޖީންތަކުން ފެނިގެން ބޭރު ގައުމުތަކުގެ މީހުން ކިޔާނަމަ، އެމީހުންނަށް ޕޭޕަލް މެދުވެރިކޮށް ޑޮލަރުން ހަދިޔާ ފޮނުވުމުގެ ފުރުސަތު ލިބުމެވެ. މި ހަދިޔާ ޖަމާވާނީ ސީދާ ލިޔުންތެރިޔާގެ އެކައުންޓަށް ޖަމާވާނެއެވެ.

ފޮޓޯގްރާފަރުންނަށް އޮތް މަގު

ފޮޓޯ ނެގުމަށް ޝައުގުވެރިވާ ކުދިންނަށްވެސް މިއީ ރަނގަޅު ފުރުސަތެކެވެ. ފޮޓޯތައް ޕޯސްޓްކުރާއިރު 'ގިފްޓް' އޮޕްޝަން އެނޭބަލް ކޮށްލުމުން، ފޮޓޯ އަލްބަމްގައިވާ ކޮންމެ ފޮޓޯއަކާއެކުވެސް ގިފްޓް ބަޓަން ފެންނަން ހުންނާނެއެވެ. މިއީ އެ ފޮޓޯތައް ކަމުދާ ފަރާތްތަކުން ފޮޓޯގްރާފަރަށް ހިތްވަރު ދިނުމުގެ ގޮތުން ހަދިޔާ ފޮނުވަން ލިބޭ ރަނގަޅު ވަސީލަތެކެވެ.

ވީޑިއޯ އުފައްދާ ފަރާތްތަކަށް

އަމިއްލަ ވީޑިއޯ އުފައްދާ ފަރާތްތަކުން ޔޫޓިއުބްގައި ވީޑިއޯ ޕޯސްޓްކުރުމަށްފަހު، އޭގެ ލިންކު އަފިރިން.ނެޓްގަ  ޝެއާކުރާއިރު ގިފްޓް އޮޕްޝަން އެނޭބަލް ކުރެވިދާނެއެވެ. މީގެ ސަބަބުން ވީޑިއޯ ބަލާ މީހުންނަށް އުފެއްދުންތެރިޔާއަށް މާލީ އެހީތެރިކަން ދިނުމަށް ފަސޭހަވެގެންދާނެއެވެ.

ޓިކްޓޮކްގެ އުސޫލުތައް ހުންނަގޮތުން އެ ޕްލެޓްފޯމްގެ ވީޑިއޯތައް އެހެން ވަސީލަތްތަކުގައި ބޭނުންކޮށްގެން އާމްދަނީ ހޯދުމަކީ (މޮނެޓައިޒް ކުރުމަކީ) މަނާކަމެކެވެ. ނަމަވެސް، ޓިކްޓޮކް ވީޑިއޯތައް ޔޫޓިއުބް ޝޯޓްސް ނުވަތަ ރީލްސްއަށް އަޕްލޯޑް ކުރުމަށްފަހު، 'އަފިރިން.ނެޓް' މެދުވެރިކޮށް ޝެއާކުރާއިރު ގިފްޓް ފީޗާ އެކްޓިވް ކުރެވޭނެއެވެ.

މިގޮތަށް ގިފްޓް އެނޭބަލްކޮށްފައިވާ ޔޫޓިއުބް ޝޯޓްސްތައް ތިރީގައިވާ ލިންކުން ބައްލަވާލެއްވޭނެއެވެ:
https://afirin.net/yshorts

ފްރެންޑް ފައިންޑާރ ޕްރޮފައިލް

މީގެ އިތުރުން، ފްރެންޑް ފައިންޑާރ ބޭނުންކުރާ ފަރާތްތަކަށްވެސް މި ފުރުސަތު ވަނީ ފަހިކޮށްދެވިފައެވެ. އެގޮތުން ވެރިފައި (Verify) ކޮށްފައިވާ ފްރެންޑް ފައިންޑާރ ޕްރޮފައިލް ތަކުގައިވެސް 'ގިފްޓް' ބަޓަން ފެންނަން ހުންނާނެއެވެ.

މި ބަޓަން މެދުވެރިކޮށް، ޕްރޮފައިލްގެ ވެރިފަރާތަށް ހަދިޔާ ފޮނުވަން ބޭނުންވާ މީހުންނަށް ފަސޭހަކަމާއެކު އެކަން ކުރެވޭނެއެވެ. މިއީ އެކި ދާއިރާތަކުން މީހުންނާ ގުޅުން ބަދަހިކުރާއިރު، އެކަކު އަނެކަކަށް ހިތްވަރުދީ އެހީތެރިވުމަށް ލިބޭ ވަރަށް ބޮޑު ފަސޭހައެކެވެ. ވެރިފައިޑް ޕްރޮފައިލަކަށް ވުމުން، ހަދިޔާ ފޮނުވާ ފަރާތަށްވެސް އެއީ ސައްހަ އެކައުންޓެއްކަމުގެ އިތުބާރު ލިބިގެންދާނެއެވެ.

މީގެ އިތުރުން މެމްބަރުންގް ޕްރޮފައިލްގަ ވެސް ގިފްޓް ބަޓަނެއް އިންނާނެ އެވެ

 ގިފްޓް އެނޭބަލް ކުރާނެ ގޮތް

މި ނިޒާމުގެ ތެރެއިން އާމްދަނީ ހޯދުމަށްޓަކައި 'ގިފްޓް' އޮޕްޝަން އެނޭބަލް ކުރުމަކީ ވަރަށް ފަސޭހަ ކަމެކެވެ.

ފްރީ މެމްބަރެއްގެ ގޮތުގައި ރަޖިސްޓްރީ ވުމަށްފަހު، ޓްރަޔަލް ޕެކެޖަކަށް އެކައުންޓް އަޕްގްރޭޑް ކޮށްލުމުން 'ގިފްޓް' ފަންކްޝަން ބޭނުންކުރުމުގެ ފުރުސަތު ހުޅުވިގެންދާނެއެވެ.

ޓްރަޔަލް ޕެކެޖަކަށް އަޕްގްރޭޑް ކުރުމަށްފަހު ގިފްޓް އެނޭބަލް ކުރާނެ ގޮތް ހެލްޕް ޕޭޖުން ބަލާލެވޭނެއެވެ.

https://afirin.net/static/help